|
Advertisement
|
सबैलाई सुन्य बनाएर चर्चित गायक खेम गुरुङ यो धर्तीबाट बिदा भएका छन् । खेमले भनेका थिए मरे पछि गंगा जीलाई बाँचे हजुरीलाई…….।
उनले वारि जमुना पारी जमुना भित्रको यो अन्तरा गाउँदा सोचेका थिएनन् होलान् उनि यति छिट्टै लोकप्रीय हुनेछन्, सांगीतीक क्षेत्रमा यो गीतले यति हलचल मच्चाउने छ र यति छिट्टै उनि यो दुनियाबाट बिदा हुनुपर्ने छ ।
गायक खेमले जस्तै उनका स्रोताले पनि कल्पनानै नगरेको कुरा भयो । जन्डीस बिग्रीएर अस्पतालमा राखिएका गुरुङको बिहीबार साँझ चावहिल स्थित मेडिकियर अस्पतालमा निधन भएको छ ।
उनको निधनले एकाएक सबैलाई स्तब्ध बनाएको छ । उनि बिरामी भएको खवर कति श्रोताले त थाहा नै पाएका थिएनन् । उनको परिवार उनलाई दिल्ली उपचार गर्न लैजाने तयारिमा भएपनि उनि ठिक हुनेमा बिश्वस्त थियो । तर उनि अचानक सबैलाई रुवाएर गए ।
उनको निधनमा सर्बसाधारण देखी देसका ख्याती प्राप्त ब्यक्तीले दुस्ख ब्यक्त गरेका छन् । खाषगरी नेपाली संगीत क्षेत्रका ब्यक्तीहरुका फेसबुक भित्ता यो घटनाले मलिन बनेको देखिन्छ ।
जण्डिस देखिएपछि गुरूङलाई १० दिनअघि अस्पताल लगिएको थियो । तर, स्वास्थ्य बिग्रिँदै गएको देखेर (आईसीयूमा) राखिएको थियो । चिकित्सकहरुका अनुसार उनको कलेजो कामै नलाग्ने अवस्थामा पुगेको र मृर्गौलामा पनि समस्या देखिएको बताएका थिए ।
थप उपचारका लागि उनलाई बिहीबार एयर एम्बुलेन्सबाट दिल्लीको मेदान्त अस्पताल लैजाने तयारी गरिए पनि नाजुक अवस्थामा लैजान उपयुक्त नभएको चिकित्सकको सुझावपछि अन्तिम समयमा लैजान नसकिने अवस्था भएकाले रोकिएको थियो ।
सखुवासभामा जन्मेका गुरुङ गीत संगीतमा लामो समयदेखि सक्रिय थिए । उनले गाएको पूर्वी पहाडको लोकभाका ‘वारि जमुना पारि जमुना’ एक ताका धेरैको जिब्रोमै झुण्डिने गर्दथ्यो । उनले एक दर्जन एल्वम निकालिसकेका छन् ।टिभी अन्नपूर्णबाट
|
Advertisement
|
Post a Comment