जलाएको दुई महिनापछि जब हजुरबा लुसुक्क घर फर्के…

Advertisement

मेक्सिको, १४ भदौ–घटना मेक्सिकोको हो । एउटा परिवार त्यतिखेर अचम्ममा प¥यो जब २ महिनाअघि जलाइएका हजुरबालाई प्रहरीले फेला पारेको बताए । ७४ वर्षीय मिगुअल एन्जेल गोमार दे लुना वृद्धाश्रमबाट भागेर एकाएक वेपत्ता भएका थिए । त्यसपछि उनी सडकमै सुत्ने र रक्सी खानका लागि सडकमा पैसा माग्ने समेत गर्दथे । उता बुढा सडकमा मागेर हिँडेपनि प्रहरी र लुनाका आफन्तले भने बुढाको पत्तो पाएनन् । एकाएक स्थानीय प्रहरीले भन्यो कि लुनाको विवरण सुहाउने एउटा वेवारिस लाश भेटिएको छ । लुनाको छोरी लुसेरो गोमार रामोसलाई उक्त बेवारिस लाशको तस्वीर समेत देखाइयो तर लाश यति खराब अवस्थामा थियो कि उनले यो आफ्नो बाउको लाश हो या अरूको चिन्नै सकिनन् । तर उनलाई बताइयो कि यदि उनले त्यो लाशलाई आफ्नो बाउको हो भनेर स्वीकार नगरे प्रहरीलाई त्यो शवको व्यवस्थापन गा¥हो पर्ने छ । यसो भन्दै प्रहरीले सो मृतक मेरै बाउ मरेको भनेर लुसेरोलाई कागजी रूपमा स्वीकार गर्न लगाइयो । केही दिनपछि लुनाको दाहसंस्कार गरियो र उनको खरानी परिवारलाई समेत बुझाइयो ।

लुना लर्बराएको स्वरमा भनिरहेका छन् , ‘ उनीहरूले ठानेकि म मरेँ तर म त हिँडिरहेँ, हिँडि नै रहेँ ’
तर गत फेबु्रअरी २४ तारिखका दिन मृतक भनिएका लुनाको परिवारमा प्रहरीबाट अर्को फोन आयो । प्रहरीले भन्यो–लुना जिउँदै भेटिएका छन् ।
उता प्रहरीले अस्पताल लगेका लुना बुढा पनि राति ३ बजे अस्पतालमा लगाइदिएकै गाउन र चप्पलमा घर फर्के । उनले टन्न रक्सी पिएका थिए र निधारमा समेत ब्यान्डेज लगाइएको थियो । सम्भवतः २ महिना लामो यात्राका दौरान उनको शरीरमा केही चोट लागेको थियो ।
लुना र उनको परिवारसँगको ‘पुर्नमिलन’को भिडियो अहिले मेक्सिकोमा भाइरल भएको छ जसमा लुना लर्बराएको स्वरमा भनिरहेका छन् , ‘ उनीहरूले ठानेकि म मरेँ तर म त हिँडिरहेँ, हिँडि नै रहेँ ।’
लुनाको छोरीले मिडियासँग भनिन्, ‘पुलिसले हाम्रो बालाई भेटेको भन्दा त हामीले त पत्याउनै सकेनौँ ।’ यसअघि लुना भनेर जलाइएको व्यक्ति को थिए, अहिलेसम्म प्रस्ट भएको छैन । कानुनी रूपमा लुना मृतक भनेर उल्लेख गरिसकिएका कारण लुनाको परिवार फेरि एक पटक चिन्तामा फसको छ । कसरी लुनालाई कानुनी रूपमा जिउँदो बनाउने भनेर ।- लोकान्तर डटकम

Advertisement