सलमानले त्यो गल्ती नगरेको भए उनको जीवनमा आउँथिन् ऐश्वर्या

Advertisement

एजेन्सी । सलमान खान र ऐश्वर्या राय बलिउडमा सबैभन्दा बढि चर्चा गरिएका पूर्व प्रेमी जोडी हुन् । उनीहरुबीच लामो समय सम्म प्रेम सम्बन्ध थियो । हालै मात्र एक अन्तर्वार्तामा सलमानको विषयमा प्रश्न सोधेपछि ऐश्वर्या भड्किएकी थिइन् । ऐश्वर्या र सलमानबीचको प्रेम सम्बन्ध सलमानका कारण टुटेको थियो । फिल्म सुटिङका क्रममा नै सलमानले ऐश्वर्यालाई सार्वजनिक रुपमा दुर्ब्यवहार गरेपछि उनी सलमानबाट टाढा भएकी थिइन् ।

त्यो दिन सम्झिँदा ऐश्वर्यालाई अहिले पनि आँशु आउँछ

सलमान र ऐश्वर्या अभिनित ‘हम दिल दे चुके सनम’ बाट उनीहरु बलिउडको सबैभन्दा रुचाइएका जोडि बनेका थिए । तर उनीहरुको निजी सम्बन्ध भने टुटिसकेको थियो । सलमान त्यो समयमा हरेक जसो पार्टीमा कसै न कसैसँग झगडा गर्ने गर्थे । उनले कैयौं सेलिब्रेटीमाथि हात छोडेका चर्चा पनि बाहिर आएका थिए । उता ऐश्वर्या रायको करिअर भने शिखरको बाटोमा थियो । शाहरुख खानसँग अभिनित ‘देवदास’को सफलता पछि बलिउडमा ऐश्वर्याको नाम शीर्ष स्थानमा पुग्यो । त्यसपछि उनले शाहरुखसँगै ‘चलते-चलते’ फिल्म गरिन् । तर त्यही फिल्म सुटिङका क्रममा सलमान र ऐश्वर्याबीच कहिल्यै नविर्सने घटना भयो । शाहरुखसँग हिमचिम बढाएको मन नपराएका सलमानले सुटिङ स्थलमै गएर ऐश्वर्यालाई हातपात गरे । उनले ऐश्वर्यले सुटिङ गर्न नसक्ने घोषणा पनि गरिदिए । ऐश्वर्यासँग मात्र होइन सलमान शाहरुखसँग पनि भिडे ।

यो घटनापछि सलमान र ऐश्वर्याको सम्बन्ध कहिल्यै पनि उस्तै भएन । पछि ऐश्वर्याले एउटा अन्तर्वार्तामा आफूलाई त्यो दिन सम्झिँदाँ आँशु आउने गरेको बताएकी थिइन् । यतिबेला बलिउडमा ऐश्वर्या राह र रणदीप हुड्डाको चलचित्र सरबजीतको चर्चा चुलिएको छ । आफ्नो रोलका लागि ऐश्वर्या र सरबजीतले प्रशंसकको ध्यान तान्न सफल भएका छन् । ऐश्वर्या यो फिल्ममा रहेका कारण सलमान यो फिल्ममा अटाएनन् । यो फिल्म बनाउने समयमा सबैभन्दा उत्तम जोडीकोरुपमा लिएपनि उनीहरुको सम्बन्ध विग्रिएका कारण सम्भव नभएको बताइएको छ । सलमानले सरबजीतको रिहाइका लागि उनको चर्चित चलचित्र बजरंगी भाइजानका क्रममा समेत विशेष अभियान चलाएका थिए ।

OSnepal  

Advertisement