Update Nepal News: International News

अमेरिकी सेनामा नेपाली चेलीको सान

Update Nepal News 0 International News 6:03:00 PM

भाद्र १९, २०७२- अमेरिकी सैन्य पोसाकमा नेपाली मुहारकी एक युवती त्रिभुवन अन्तर्राष्ट्रिय विमानस्थलमा निकै व्यस्त थिइन्, भूकम्पपछिको राहत र उद्धारका बेला । नेपाली चेली अमेरिकी सैन्य पोशाकमा देखिएपछि धेरैको ध्यान स्वाभाविक रूपमा उनीतिर तानियो । धेरैले आश्चर्य पनि माने । अनि ती युवतीबारे सोधीखोजी हुन थाल्यो । त्यतिबेला महाभूकम्पपछि शक्तिसम्पन्न मुलुक अमेरिकी सेनाको मरिनलगायतको ‘फोर्स’ पीडितको खोजी तथा उद्धार कार्यमा नेपाल आइपुगेको थियो । त्यही ‘फोर्स’ समूहमा सामेल थिइन्, कविता विष्ट । पश्चिम नेपालकी कविता उद्धारका लागि नेपाल भित्रिएका अमेरिकी सैन्य समूहको समन्वय गर्न खटिएकी थिइन् । तर उनी महाभूकम्पपछि नेपाल आएकी होइनन्, त्योभन्दा छ महिनाअघिदेखि नेपालमै थिइन् । उनले त्यतिबेला यस पंक्तिकारसँग भनेकी थिइन्, ‘मलाई धेरैले महाभूकम्पपछि नेपाल आएको ठानें । त्यसो होइन, म छ महिनादेखि अमेरिकी दूतावासमा रहेर सेना र प्रहरीसँग काम गरिरहेको थिएँ ।’ सशस्त्र प्रहरीसँग मिलेर विभिन्न जिल्लामा स्यालो ट्युबवेल राख्नेलगायतका धेरै काममा उनी सहभागी भइन् । यता हुँदा उनले गैरफौजी प्रकृतिका काम गरेकी थिइन् । अमेरिका फर्किनुअघि भनिन्, ‘प्यारासुट जम्प नगरेको छ महिना भयो । अब गएर दुईपटक नियमित ‘प्याराजम्प’ गर्नुपर्छ ।’ अमेरिकी सेनाले आफ्नो नियमित अभ्याससँगै हरेक तीन महिनामा एकपटक प्याराजम्प गर्नैपर्छ । यो नियमित प्रक्रिया हो । कविता अमेरिका भने सैनिक बन्न गएकी थिइनन् । उनी पत्रकारितामा उच्च शिक्षा लिन अमेरिका पुगेकी थिइन् । पढाइसँगै जीवनलाई कुन मोड दिने भन्ने अन्योलकै बीच उनी अमेरिकी सेनामा भर्ती भइन् । त्यहाँ पुगेपछि पत्रकारितामा ग्राजुयसन गरेकी उनले अहिले पढाइको क्षेत्रसमेत परिवर्तन गरेकी छन् । ‘अहिले सेनामा रहेर रसायनशास्त्र पढ्दै त्यहाँबाट माथि उक्लने भर्याङ तय गरिरहेकी छु,’ उनले भनिन् । अमेरिकी सेनामा नेपाली र अन्य दक्षिण एसियाली मुलुकले पनि भर्ना पाउने जानकारी पाएपछि उनी यथार्थ बुझ्न सेनाको क्याम्प पुगेकी थिइन् । उनले भनिन्, ‘विद्यार्थीले सेनामा नपाउने थाहा पाएपछि निराश भएर म फर्किएँ । तर हिम्मत हारिनँ ।’ नेपालमा रहँदा अध्ययनकै क्रममा रेडियो नेपालमा काम गरेकी उनले त्यहाँ पुगेर पनि सूचना लिने तथा लगातार लागिरहने कार्यमा पछि परिनन् । ‘सन् २००९ तल्लो सिपाहीमात्र होइन योग्यताअनुसारको दर्जामा विद्यार्थीले पनि आवेदन दिन पाउने भयो । त्यसपछि हतारिंदै सेनामा भर्ना हुन क्याम्प पुगें । तर नेपाली भाषाबाट जानेको कोटा सकिएको सूचनाले म पुन: निराश भएँ,’ उनले सुनाइन्, ‘तर, तत्काल थाहा भयो । उर्दूको कोटा बाँकी रहेछ । मलाई उर्दूको पनि ज्ञान भएको हुनाले त्यसमै परीक्षा दिएँ ।’ भाषा परीक्षामा कविता पास भइन् र अमेरिकी सेना बनिन् । उर्दूको परीक्षाबाट सेनामा गए पनि उनलाई त्यहाँको सेनाले नेपालसँग सम्बन्धित कामै बढी जोड दिएको उनले बताइन् । त्यही क्रममा उनी आफ्नो सेनाको तर्फबाट नेपालस्थित अमेरिकी दूतावासमा काम गर्न आएकी हुन् । यहाँ उनले सशस्त्र प्रहरी बल र नेपाली सेनासँग मिलेर काम गरिन् । विभिन्न परियोजना लागू गर्न सहकार्य गरिन् । काम सकिएर उनी फर्किने क्रममा थिइन् । त्यही बेला आठ हजारभन्दा बढीको ज्यान लिने गरी महाभूकम्प गयो । त्यसपछि उनलाई सोच्दै नसोचेको जिम्मेवारी आइपर्यो । त्यसपछि उद्धार कार्यमा आएका अमेरिकी सेनालाई नेपाली सेनासँगको सहकार्यमा उनले सघाइन् । भीएस निकेतनबाट विद्यालय शिक्षा र हिमालयन ह्वाइटहाउसबाट १० जोड दुई सकेकी उनी अन्तर्राष्ट्रिय विमानस्थलमा सेलिब्रेटीजस्तो बनिन् । तर पनि फर्कने बेलामा उनले नेपालको पीडा र यहाँ भएको अमेरिकी हेलिकोप्टर दुर्घटना नै सम्झिरहेकी थिइन् । कविताले अमेरिका फर्किनु एक दिनअघि दूतावासअगाडि आफ्नो सेना प्रवेश कथा सुनाएकी थिइन् । हसिली मुद्राकी उनी निकै कम बोल्दै थिइन्, त्यो पनि अड्कली–अड्कली । कुनै बेला उनी आफू मात्र बोलिरहने रेडियोको जागिरमा थिइन् । उनले भनिन्, ‘अब अधिकृतको रूपमा बढुवा हुन सके पेन्सन पकाउन्जेल यही पेसामा रहिन्छ । यदि त्यस्तो हुन नसकेमा केही वर्षपछि अर्काे जागिरमा जाने योजना छ ।’ सेनामा जागिर खान घरपरिवारबाट कुनै रोकावट नआएको उनले बताइन् । उनका बुवा रामबहादुर विष्ट कांग्रेस नेता हुन् । ‘बुवा लामो समयदेखि राजनीति गर्ने भएकाले हामी सधैं आमामा नै निर्भर थियौं,’ उनले भनिन्, ‘मेरो दाइ नेपाली सेनामा रहेको कारण पनि आफूलाई अमेरिकी सेनामा जागिर हुने विषय उठाउँदा घरमा सहज भएको हो ।’ कविता अविवाहित छन् । ‘घरजम गर्ने विषयमा पनि सोच्दैछु, हेरौं के हुन्छ,’ उनले सुनाइन् । उनले सिपाहीको दर्जा ई थ्रीबाट आफ्नो सेनाको जागिर आरम्भ गरेकी हुन् । ‘इ–वान’ र ‘इ–नाइन’ सम्म सिपाहीको स्तरमा हुनेछ । तर ‘ओ–वान’ र ‘ओ–टु’ अधिकृत स्तर हुन्छ । ‘एअर फोर्स, नेभी, मोरिन र अमेरिकी आर्मी भन्ने छ तर म अमेरिकी सेनामा हुँ,’ उनले भनिन्, ‘सेनाको सबै अभ्यास नियमित नै छ । म यो अभ्यासबाट कत्ति पनि बाहिर हुन चाहन्नँ ।’ सानोमा अग्लो स्थानबाट हामफाल्न डर लाग्ने उनी अहिले आँटिली भएकी छन्, प्याराजम्प गर्नसमेत डर नमान्ने । ‘म पहिलोपटक प्याराजम्पमा दुर्घटनामा परें । ज्याकेटको एक बटम खोल्न नसक्दा समुद्री किनारमा राम्रैसँग घस्रिएँ । तैपनि हिम्मत हारिनँ,’ उनले सुनाइन् । 
यसमा तपाईको मत
<div class="separator" style="clear: both; text-align: center;"> <a href="https://lh3.googleusercontent.com/-jz_9WnXJbxA/V9IKbClEYDI/AAAAAAAABe4/onNsiwGl9lw/s1600/Screenshot_2016-09-09-05-37-37-549%25252525257E2-1.jpeg" imageanchor="1" style="margin-left: 1em; margin-right: 1em;"> <img border="0" src="https://lh3.googleusercontent.com/-jz_9WnXJbxA/V9IKbClEYDI/AAAAAAAABe4/onNsiwGl9lw/s640/Screenshot_2016-09-09-05-37-37-549%25252525257E2-1.jpeg"> </a> </div>

अमेरिकी सेनामा नेपाली चेलीको सान

भाद्र १९, २०७२- अमेरिकी सैन्य पोसाकमा नेपाली मुहारकी एक युवती त्रिभुवन अन्तर्राष्ट्रिय विमानस्थलमा निकै व्यस्त थिइन्, भूकम्पपछिको राहत र उद्...

जि–२० सम्मेलन तत्काल छाड्न ओबामालाई चर्को दबाब

Update Nepal News 0 International News 12:17:00 AM

बइजिङ–अमेरिकी राष्ट्रपति बाराक ओबामालाई चीनमा जारी जि–२० सम्मेलन तत्काल छाड्न चर्को दबाब परेको छ। अमेरिकाको आसन्न राष्ट्रपतिको चुनावका उमेद्वार रहेका डोनाल्ड ट्रम्पले चीनले ओबामाको अपमान गरेको भन्दै तत्काल जि–२० सम्मेलन तत्काल छाड्नु पर्ने धारण व्यक्त गरेका हुन्। ट्रम्पले भने, ‘अमेरिका विश्वकै एक शक्तिशाली राष्ट्र हो र ओबामा यसका राष्ट्रपति, त्यसैले उनी विश्वकै सर्वाधिक शक्तिशाली मानिस हुन्। तर चीनले यसको अर्थ नबुझी उनको अपमान गरेको छ।’ 
उनले चीनले अन्य राष्ट्रका राष्ट्रप्रमुखलाई रेड कार्पेटमा स्वागत गरेको तर ओबामालाई यस प्रकारको स्वागत नगरेको भन्दै चीनले ओबामाको अन्तर्राष्ट्रिय रुपमा अपमान गरेको आरोप लगाएका छन्। त्यस्तै चीनमा रहेको अमेरिकी दूतावासका कर्मचारीले राष्ट्रपति ओबामालाई विमानस्थलमा लिन जान खोज्दा विमानस्थलमा सुरक्षार्थ खटिएका सुरक्षाकर्मीले उनीहरुलाई रोक्दा विमानस्थलमा विवाद उत्पन्न भएको थियो। 
दूतावासका कर्मचारीले ओबामा आफ्ना राष्ट्रपति भएको भन्दै आफूहरुले उनलाई स्वागत गर्नुपर्ने बताएका थिए। तर विमानस्थलका कर्मचारीले भने उनीहरुलाई यो अमेरिका नभई चीन भएको र यहाँ चीनको कानुन अनुसार चल्नु पर्ने बताएका थिए। त्यसपछि उनीहरुबीच विवाद सृजना भएको थियो। यता केही दिन पहिले फिलिपिन्सका राष्ट्रपति रोड्रिगो डुटेर्तेले ओबामालाई अपशब्द प्रयोग गेरपछि ओबामाले उनलाई भेट्न अस्विकार गरेका थिए। 
फिलिपिन्सका संचारकर्मीको सवालको जबाफ दिने क्रममा उनले आफ्नो राष्ट्र सार्वभौम भएको भन्दै यहाँको नियम कानुन तथा मानव अधिकारका बारेमा कसैले भनिहरनु नपर्ने बताएका थिए। त्यस क्रममा उनले निकै तत्लो स्तरको अपशब्द प्रयोग गरी ओबामाको आलोचना गरेका थिए। ओबामाले फिलिपिन्सले लागु औषध नियन्त्रण गर्ने बहानामा मानव अधिकारको हनन गरेको भन्दै कारबाही हुनु पर्ने बताएका थिए।
<div class="separator" style="clear: both; text-align: center;"> <a href="https://lh3.googleusercontent.com/-XG0HTwsllGs/V9EQcccrvSI/AAAAAAAABbQ/11OmaqqyREU/s1600/Capture-252.png" imageanchor="1" style="margin-left: 1em; margin-right: 1em;"> <img border="0" src="https://lh3.googleusercontent.com/-XG0HTwsllGs/V9EQcccrvSI/AAAAAAAABbQ/11OmaqqyREU/s640/Capture-252.png"> </a> </div>

जि–२० सम्मेलन तत्काल छाड्न ओबामालाई चर्को दबाब

बइजिङ–अमेरिकी राष्ट्रपति बाराक ओबामालाई चीनमा जारी जि–२० सम्मेलन तत्काल छाड्न चर्को दबाब परेको छ। अमेरिकाको आसन्न राष्ट्रपतिको चुनावका उमेद्...

आज तीजको अन्तिम दिन, महिलाहरुले सप्तर्षिको पूजा गरी ऋषि पञ्चमी पर्व मनाउँदै

Update Nepal News 0 International News 9:43:00 PM

हिन्दू महिलाहरुले सप्तर्षिको पूजा गरी आज ऋषि पञ्चमी पर्व मनाइरहेका छन् । पञ्चमी ब्रत बस्ने महिलाहरुले आज बिहानै नजिकको नदी, खोला र पोखरीमा गई ३ सय ६५ वटा दतिवनले दात माझ्ने, गाईको गोबर, माटो र खरानी लगाई नुहाउने गर्छन् । वर्ष भरि घर व्यवहार गर्दा ऋषिहरुको सम्मानमा पूजा पाठ गर्न नभ्याएको र मासिक धर्मको बेला अन्जानमा अनादार भएको हुन सक्छ भनि महिलाहरुले सप्तर्षिको पूजा गर्ने चलन छ । 
आजको दिन अरुन्धतीसहित अत्रि, गौतम, भारद्वाज, जमदग्नि, वशिष्ठ, कश्यप र विश्वामित्रको पूजा गरिन्छ । यसलाई ऋषिपञ्चमीको पूजा लगाउने पनि भनिन्छ । सप्तर्षिको पूजा गर्ने पञ्चमी भएकैले आजको पञ्चमीलाई ऋषिपञ्चमी भन्ने गरिएको हो । ऋषिपञ्चमीको अवसरमा काठमाडौँको टेकु स्थित ऋषेश्वर मन्दिरलगायत देशभरका ऋषि मन्दिरमा महिला भक्तजनको घुईंचो लाग्ने गर्दछ । काठमाडौंको टेकुमा रहेको ऋषेश्वर महादेवको मन्दिरमा बिहानै देखि ब्रत बसेका महिलाहरुको भिड लागेको छ । यसका अलावा महिलाहरुले विभिन्न ठाउमा ऋषिपञ्चमीको पूजा लगाई भजन किर्तन गर्ने गर्दछन् । 
Light Nepalबाट 
<div class="separator" style="clear: both; text-align: center;"> <a href="https://lh3.googleusercontent.com/-4RAzjbGyNuY/V85JYKw_y_I/AAAAAAAABMg/_hAIdRZF7LQ/s1600/blogger-image-1233484950-1.jpg" imageanchor="1" style="margin-left: 1em; margin-right: 1em;"> <img border="0" src="https://lh3.googleusercontent.com/-4RAzjbGyNuY/V85JYKw_y_I/AAAAAAAABMg/_hAIdRZF7LQ/s640/blogger-image-1233484950-1.jpg"> </a> </div>

आज तीजको अन्तिम दिन, महिलाहरुले सप्तर्षिको पूजा गरी ऋषि पञ्चमी पर्व मनाउँदै

हिन्दू महिलाहरुले सप्तर्षिको पूजा गरी आज ऋषि पञ्चमी पर्व मनाइरहेका छन् । पञ्चमी ब्रत बस्ने महिलाहरुले आज बिहानै नजिकको नदी, खोला र पोखरीमा ग...

महिलाले जन्माइन् अनौठो बच्चा: तीन हात, दुई टाउको, दुई खुट्टा र एक मुटु

Update Nepal News 0 International News 10:00:00 PM

मुम्बईमा एक महिलाले अनौठो बच्चा जन्माएकी छिन् । मुम्बईको सायन अस्पतालमा सियासिम बच्चालाई जन्म दिएको हो । यो नवजात शिशुको तौल ४.५ किलोग्राम छ र दुई टाउकोका साथै शरीरमा ३ हात पनी छन् । भारतीय सञ्चार माध्यमका अनुसार यो शिशुको दोस्रो टाउको काँध नजिकै छ । 
भारतीय सञ्चार माध्यमका अनुसार यो शिशुलाई जन्म दिने आमाको नाम शाहिन इरशान खान हो । र उनी उत्तर प्रदेश फतेहपुरकी स्थायी वासिन्दा हुन् । शाहिनले यस्तो बच्चा जन्माएपछि अस्पतालका डाक्टरसमेत अचम्म परेका छन् । 
अस्पताल प्रशासनले भनेको छ– ‘जुम्ल्याहा बच्चा त जन्म लिन्छन् तर, दुई टाउको र एक मुटु भएका बच्चा ५ लाखमा १ वा २ जना मात्रै हुन्छन् ।’ भारतीय सञ्चार माध्यमका अनुसार सायन अस्पतालका बाल चिकित्सक (सर्जरी विभाग)का अध्यक्ष डा पारस कोठारीले बच्चाको अवस्था सामान्य रहेको बताएका छन् ।एजेन्सीकाे सहयाेगमा
<div class="separator" style="clear: both; text-align: center;"> <a href="https://lh3.googleusercontent.com/-cZrC5pnOgvU/V8z75RgZtSI/AAAAAAAABFo/2qxedpz097I/s1600/Baby.jpg" imageanchor="1" style="margin-left: 1em; margin-right: 1em;"> <img border="0" src="https://lh3.googleusercontent.com/-cZrC5pnOgvU/V8z75RgZtSI/AAAAAAAABFo/2qxedpz097I/s640/Baby.jpg"> </a> </div>

महिलाले जन्माइन् अनौठो बच्चा: तीन हात, दुई टाउको, दुई खुट्टा र एक मुटु

मुम्बईमा एक महिलाले अनौठो बच्चा जन्माएकी छिन् । मुम्बईको सायन अस्पतालमा सियासिम बच्चालाई जन्म दिएको हो । यो नवजात शिशुको तौल ४.५ किलोग्राम छ...

रक्सीसँग हारे खेमराज

Update Nepal News 0 International News 9:53:00 PM

काठमाडौं- उनलाई चार–पाँच महिनाअघि ओम अस्पतालबाट डिस्चार्ज हुनेबेला डाक्टरले अन्तिम चेतावनी दिएका थिए, 'रक्सी छुँदै नछुनू। रक्सी खाएर मकहाँ फेरि नआउनू।' उनले केही हप्ता डाक्टरको सल्लाह माने। औषधी पनि नियमित सेवन गरे।<div class="separator" style="clear: both;"><a href="https://lh3.googleusercontent.com/-MZ57ld9CKYM/V7_LRLofjqI/AAAAAAAAAD0/Y-2VnpER3I4/s640/blogger-image-750326244.jpg" imageanchor="1" style="margin-left: 1em; margin-right: 1em;"><img border="0" src="https://lh3.googleusercontent.com/-MZ57ld9CKYM/V7_LRLofjqI/AAAAAAAAAD0/Y-2VnpER3I4/s640/blogger-image-750326244.jpg"></a></div>साथीहरुसँग भेट्दा र कसैले 'अलिकति भए पनि पिउँ न' भनेर आग्रह गरेमा उनको मन थामिँदैन थियो। रक्सी छोड्नु र सुरु गर्नु उनका लागि नयाँ कुरा थिएन। अन्ततः उनी डाक्टरको अन्तिम चेतावनीलाई बेवास्ता गर्नपुगे। र उनको ज्यान नै गुम्यो। उनी अर्थात् गायक खेमराज गुरुङ अब हामीमाझ गीतहरुमा मात्र जीवित रहनेछन्।Tविगत ११ दिनअघि जन्डिस बिग्रेपछि गुरुङलाई चाबहिलको मेडिकेयर अस्पतालमा भर्ना गरिएको थियो। अस्पताल भर्ना गरिएको भोलिपल्टै उनलाई स्याहार्न उनकी पत्नी हङकङबाट आएकी थिइन्। उनलाई आसियुमै राखिएको थियो। 'मलाई कहिले आइसियुबाट निकाल्छन्, छिटो निस्किन पाए हुन्थ्यो, विदेशमै उपचार गर्नुपर्ने अवस्था आयो भने के गर्ने होला?' साहित्यकार तथा प्राज्ञ शशि लुमुम्बुसँग मंगलबार बेलुकी उनले चिन्ता व्यक्त गर्दैथिए।नभन्दै कलेजो प्रत्यारोपणका लागि उनलाई एअर एम्बुलेन्सबाट दिल्लीको मेदान्त अस्पतालमा लैजाने योजना तय भयो। बिहीबार बिहानदेखि उनी भेन्टिलेटरमा थिए। बिहीबार दिउँसो दिल्ली उडाउने तयारी थियो। पछि डाक्टरहरुले स्वास्थ्यमा केही सुधार आएमा मात्र दिल्ली लैजान मिल्ने बताएपछि उक्त योजना रद्द भयो।धेरै संगीतकर्मी र प्रशंसकहरु बुधबार र बिहीबार उनको स्वास्थ्यलाभको कामना गरिरहे। तर, उनको अवस्था सुधि्रएन। बिहीबार साँझ ५ः५० बजे मेडिकेयर अस्पतालमै ४२ वर्षको उमेरमा उनको निधन भयो। उनको कलेजोमा मात्र होइन मिर्गौलामा समेत समस्या थियो।'खेम भाइ एउटै गीतले प्रख्यात बने। राम्रो रचना संख्यामा होइन स्तरमा गनिन्छ भन्ने स्थापित गरेर बिदा गए,' संगीतकार गायक आभाषले श्रद्धाञ्जली स्वरुप फेसबुकमा लेखे। आभाषको भनाइ सत्य हो। उनको हिट गीत 'वारि जमुना पारि जमुना' हो र यही गीतबाट श्रोताहरुले उनलाई चिने र चिनिरहनेछन्।उनले अरु पनि थुप्रै गीत गाए। आठवटा एल्बम निकाले। अरु केही गीत पनि चले। तर, उनलाई चिनाउने र बचाउने गीत 'वारि जमुना पारि जमुना'मात्र ठहरियो। २०५७ सालतिर निस्किएको यो गीतमा ननाच्ने नेपाली सायदै भेटिएला।संखुवासभा खाँदबारीका खेमराजको पहिलो एल्बम 'जीवन' २०५४ सालतिर निस्किएको थियो। काठमाडौंमा आएर सोही एल्बममार्फत् उनले औपचारिक रुपमा संगीतयात्रा थाले। तर, एल्बम चलेन। उनी निराश भए।तैपनि उनले हिम्मत हारेनन्। जब, २०५७ सालमा उनले निकै दुःखका साथ 'जीवन भाग–२' एल्बम निकाले, उनको दिन फिर्यो। त्यही एल्बममा थियो 'वारि जमुना पारि जमुना' गीत। हरेक कार्यक्रम, जमघट र सञ्चारमाध्यममा गीत घन्किन थाले। म्युजिक नेपालले निकालेको 'जीवन भाग–२' एल्बमले बिक्रीमा रेकर्ड राख्यो।'पहिलो एल्बम निकाल्दा गुमनाम रहेका खेमराज दोस्रो एल्बम निस्किने बित्तिकै स्थापित भए, उनी रातारात स्टार भए,' उक्त एल्बममा खेमराजका लागि केही गीत कम्पोज गरिदिएका संगीतकार पारस मुकारुङले बताए।'जीवन भाग–२'पछि गायक खेमराजले 'अनमोल', 'धरान–पोखरा', 'सोल्टी', 'आलुतामा', 'ढाक्रे' र 'घुमफिर' एल्बम निकालेका थिए। पोखरा, काँकडभिट्टा, चितवन, इटहरी, धरान र इलामका पर्यटकीय पक्षको वर्णन गर्दै गाएका गीतहरु दुई महिनाअघिको एल्बम 'घुमफिर'मा समावेश थिए।'घुमफिर' निकाल्ने बित्तिकै उनी सिक्किम पुगे। त्यहाँ केही स्टेज कार्यक्रम गर्नु उनको उद्देश्य थियो। त्यसबाहेक उनी सिक्किमका धार्मिक तथा पर्यटकीय स्थलहरुका बारेमा गीत गाउन चाहन्थे। काठमाडौं फर्केर उनले सिक्किम सम्बन्धी केही गीत रेकर्ड पनि गरे। तर, एल्बम भने निकाल्न भ्याएनन्।उनी आफ्नो गीतसंग्रहलाई पुस्तकका रुपमा समेत छाप्ने योजनामा थिए। त्यसको सम्पादनका लागि प्राज्ञ शशि लुमुम्बुसँग सल्लाह हुँदैथियो। 'तर उहाँको त्यो योजना पनि अधुरै रह्यो,' लुमुम्बुले शोकमग्न हुँदै बताए।कवि तथा प्राज्ञ श्रवण मुकारुङ खेमराज गुरुङलाई नेपाली लोकसंगीतको सौन्दर्यलाई सही रुपमा पक्रिनसक्ने खुबी भएका गायकका रुपमा चिनाउँछन्। श्रवणले खेमराजसँग केही गीतमा सहकार्य गर्ने अवसर पाएका थिए। 'उनी असल व्यवहार भएका रसिलो र हितैषी स्वभावका थिए, उनको कमजोरी त्यही रक्सीमात्र थियो,' श्रवणले सम्झे।अघिल्लो पटक अस्पतालबाट छुटेपछि उनलाई सुधारगृहमा राखेर उपचार गर्ने हो कि भन्ने सल्लाह परिवारमा भएको थियो। तर, सांगीतिक व्यस्तताका कारण त्यो सम्भव भएन। उनलाई अमेरिकाको भिसासमेत लागेको थियो। अमेरिकाका नेपालीमाझ गीत पस्किने उनको चाहना पनि व्यर्थै रह्यो।खेमराजसँग गायक राजेशपायल राई र भीषण मुकारुङको बाक्लो उठबस थियो। खेमराजका आमा र दिदी बेलायतबाट आएपछि मात्र अन्तिम संस्कार गरिने गायक राजेशपायलले अवगत गराए। उनको शवलाई टिचिङ अस्पतालमा राखिएको छ। उनका दुई छोरा छन्।<div style="text-align: start;">NagarikNews बाट</div>

रक्सीसँग हारे खेमराज

काठमाडौं- उनलाई चार–पाँच महिनाअघि ओम अस्पतालबाट डिस्चार्ज हुनेबेला डाक्टरले अन्तिम चेतावनी दिएका थिए, 'रक्सी छुँदै नछुनू। रक्सी खाएर मकह...

Update Nepal News

अमेरिकी सेनामा नेपाली चेलीको सान

जि–२० सम्मेलन तत्काल छाड्न ओबामालाई चर्को दबाब

आज तीजको अन्तिम दिन, महिलाहरुले सप्तर्षिको पूजा गरी ऋषि पञ्चमी पर्व मनाउँदै

महिलाले जन्माइन् अनौठो बच्चा: तीन हात, दुई टाउको, दुई खुट्टा र एक मुटु

रक्सीसँग हारे खेमराज

Popular Posts

Blog Archive